Ekijaqty qujatqa «Qazaqstan» RTRK» AQ Basqarma Tóraǵasy Erlan Qarın jáne Túrkııa Radıo Teledıdar korporasııasynyń Bas dırektory Ibrahım Eren qol qoıdy.
Memorandýmnyń negizgi maqsaty radıo jáne televızızııa salasynda birlesip jobalardy júzege asyrý jáne tájirıbe almasý. Memorandým buqaralyq aqparat quraldarynyń basym baǵyttary boıynsha jumysty nyǵaıtýǵa jáne shyǵarmashylyq yntymaqtastyqty keńeıtýge baǵyttalǵan. Jalpy «Qazaqstan» teleradıokorporasııasy men TRT korporasııasynyń arasyndaǵy qarym-qatynas birneshe jyldar boıy turaqty túrde damyp keledi. Bul memorandým medıa saladaǵy ekijaqty jumysty odan ári jetildirip, jańa serpin berýge septigin tıgizedi.
Túrkııanyń basty habar taratýshysy - TRT korporasııasy 1964 jyldyń 1 mamyrynda qurylǵan bolatyn. Búgingi kúnde TRT korporasııasynyń quramyna «TRT HD», «TRT Habar», «TRT Çocuk», «TRT-Avaz» jáne t.b. 10-nan astam túrli halyqaralyq, respýblıkalyq, aımaqtyq telearnalar men radıolar kiredi.
Eki medıaqurylym óz elderiniń eń negizgi iri habar taratýshysy ekenin eskere otyryp, ekijaqty yntymaqtastyq týraly bul memorandým korporasııalardyń jumysyn jańa deńgeıge shyǵaryp, alǵa qoıylǵan mindetterdi eki jaqqa da tıimdi etip júzege asyrýǵa yqpal etedi.
